VILAGARCÍA> O Porto de Vilagarcía será esta fin de semana o anfitrión da vixésimo sexta edición do Campionato Interportos de fútbol sala. 25 equipos participarán neste torneo, representando a outras tantas Autoridades Portuarias de toda España e ao organismo público Portos do Estado. Os partidos serán os días 5, 6 e 7 de outubro e celebraranse nos pavillóns de Vilanova, Cambados e Meaño, coa final en Fexdega. Unha oportunidade única para gozar do deporte e, por suposto, promocionar O Salnés.
Vintecatro autoridades portuarias de toda España e o organismo público Portos do Estado reuniranse en Vilagarcía cun obxectivo: facerse coa vitoria na vixésimo sexta edición do Campionato Interportos de fútbol sala.
Os partidos serán os días 5, 6 e 7 de outubro e celebraranse nos pavillóns de Vilanova, Cambados e Meaño. A final será en Fexdega, en Vilagarcía.
Isto da banda deportiva, pero dende a Autoridade Portuaria vilagarciá insistiron no importante impacto que o evento terá na vila e na súa contorna.
De feito, o calendario de encontros completarase con actividades paralelas para que os xogadores poidan coñecer Galicia e, sobre todo, a comarca do Salnés.
En Vilagarcía, recollerá a testemuña a Autoridade Portuaria de Tarragona. Serán os encargados da organización da vixésimo sétima edición do Campionato Interportos o vindeiro ano.
