BOIRO> A primeira fase desta operación denominada Operación Aurum Domus saldouse coa detención de catro persoas, unha das cales ingresou en prisión.
A todos eles acusábaselles dun total de 14 roubos, tres deles en grao de tentativa, cun valor total do roubado en máis de 143 mil euros.
A Garda Civil puido recuperar tamén boa parte dos obxectos subtraídos.
Daquela o Instituto Armado informaba de que a operación continuaba aberta ante os indicios de que o grupo criminal estivera formado por un número maior de individuos.
Durante as investigación posteriores, e a raíz dun novo roubo a unha vivenda en Coristanco co mesmo modus operandi, os axentes da Garda Civil puideron identificar ó presunto autor e localizar os obxectos roubados na vivenda, na súa maioría xoias, que xa foron devoltas ós seus propietarios.
O prendido, veciño de Noia, xa pasou a disposición xudicial nos Xulgados de Ribeira, que decretou o seu ingreso en prisión preventiva comunicada e sen fianza.
A Garda Civil informou de que a operación continúa aberta polo que non se descarta que puidera haber novas detencións.