AROUSA> A Garda Civil desartellou unha organización criminal especializada en narcotráfico con ramificacións en Arousa.
Entre os oito detidos nas provincias da Coruña, Pontevedra e Madrid figura un veciño de Cambados.
A operación denominada Mar Rice iniciouse tras detectar a Garda Civil unha rede de distribución de estupefacientes con base en Vilanova de Arousa.
No transcurso da investigación, o Equipo de Delincuencia Organizada e Antidroga corroborou a capacidade deste grupo criminal para distribuír este tipo de substancias a nivel nacional e mesmo internacional, utilizando vehículos e remolques dotados de habitáculos ocultos.
Precisamente a detención dun dos membros desta organización na Comunidade de Madrid cando transportaba droga nunha cabeza tractora desencadeou a identificación e detención doutros sete implicados entre provedores, transportistas e destinatarios finais.
O Xulgado de Instrución Número 6 da Coruña decretou o ingreso en prisión de 6 dos 8 detidos.