BARBANZA> Investigadas 27 persoas, varias delas nas comarcas do Barbanza e Muros Noia, no marco da operación Weezing como presuntos autores dun delito contra os recursos naturais e do medio ambiente.
O SEPRONA iniciaba esta investigación o pasado mes de marzo co obxectivo de controlar a correcta xestión dos gases fluorados recuperados dos sistemas de aire acondicionado dos vehículos que se dan de baixa definitivamente.
O Servizo de Protección da Natureza da Garda Civil procedeu á inspección de 28 centros de tratamento de vehículos, detectando irregularidades en 27 deles.
Tras recadar información da Subdirección Xeral de Residuos da Consellería de Medio Ambiente e da Xefatura Provincial de Tráfico, a Garda Civil constatou que a xestión irregular destes gases podería ter emitido deliberadamente máis de 26 mil toneladas de CO2 á atmosfera.
