RIBEIRA> Unha semana despois da apertura da campaña da centola, as capturas seguen a ser moi boas. A abundancia de marisco mantén os prezos bastante asequibles. Na praza de abastos de Ribeira ía hoxe entre os 10 e os 17 euros.
Había ganas de centola. Sábeno ben na praza de abastos de Ribeira onde, dende que abrira a campaña a pasada semana, están a rexistrar gran demanda do crustáceo.Durante as fins de semana é cando se rexistra maior volume de vendas aínda que ten saída practicamente toda a semana posto que vai a bo prezo para os consumidores.
Hai que, pola contra, prefire agardar a unha ocasión especial ou mercala cando vaia máis barata.
Pola contra, hai quen xa pregunta pola centola para conxelar de cara ó Nadal aínda que as expertas aconsellan agardar un par de semanas para que o marisco estea no momento óptimo á hora de consumilo.
No que si coinciden tanto vendedores como consumidores é na abundancia e, sobre todo, na boa calidade da centola nestes primeiros días de campaña.
