RIBEIRA> Este venres 15 de decembro arranca a terceira edición da campaña dos bonos AmaRibeira, de cara a fomentar o consumo responsable e local durante estas datas de Nadal, axudando así á promoción e dinamización do comercio e da hostalería.
O Concello destina a esta campaña un orzamento duns cen mil euros . Distribuiranse mais de tres mil bonos cun valor individual de trinta euros.
Os bonos poderán descargarse xa a partir deste venres a través da propia web amaribeira.gal.
Dende a patronal local destacaron a importancia desta iniciativa que pon en marcha o Concello que busca incentivar as compras e o consumo no comercio e na hostalería local.
Poderán adherirse a esta campaña tódolos establecementos comerciais e de hostalería da localidade que así o desexen, inscribindose nela a través da páxina web AmaRibeira.gal.
A iniciativa estará aberta ata o vindeiro 31 de xaneiro ou ata que se esgote o saldo.
