CAMBADOS> No Concello de Cambados xa está a pleno rendemento o “Nadal en Peña”. O espazo acolle multitude de propostas para a rapazada, como hinchables ou distintos obradoiros. Os máis pequenos poderán gozar de todas estas propostas ata o vindeiro 5 de xaneiro.
O Nadal en Cambados vívese no Salón Peña. Aquí o concello instalou diversos hinchables para o desfrute de toda a rapazada da vila. Ademais, durante estas festas do Nadal, neste mesmo espazo vanse celebrar diferentes obradoiros infantís.
As actividades do “Nadal en Peña” son de balde. Poderase gozar delas ata o vindeiro 5 de xaneiro.
A rapazada, por certo, leva semanas gozando do espírito de Nadal grazas ao Concurso de Postais que organiza a asociación Cambados Zona Centro e co que colabora o concello. Os gañadores desta edición recibiron xa o seu premio: un lote de libros para poder ler durante as vacacións.
No certame de postais participou a rapazada de primeira dos colexios públicos cambadeses.