RIBEIRA> Aínda que as condicións meteorolóxicas están a dificultar a extracción de percebe, a campaña de Nadal está a ser bastante boa en termos de cotización. Nestas datas previas a fin de ano, o de maior calidade supera os 150 euros.
A última subhasta de percebe do ano deixou moi bo sabor de boca na lonxa de Aguiño. O recurso alcanzou moi bo prezo ante a alta demanda destas datas a pesar de que o mal tempo dificultou o acceso ó marisco de maior calidade.
O balance da campaña de Nadal é moi satisfactorio con cotizacións altas que mesmo nalgunhas xornadas acadaron os cen euros de media.
Os percebeiros seguirán a traballar ata Reis posto que ata o remate das festas aínda se mantén a demanda de percebe. A partir de entón previsiblemente pecharán a campaña, decisión que deberá adoptar a agrupación de mariscadores.
