RIBEIRA> O alcalde de Ribeira, Luís Pérez Barral, súmase ás queixas da veciñanza esta semana pola falla de médicos no centro de saúde da localidade.
Segundo el, chegou a haber catro facultativos menos dos que debera. Unha cifra que se verá aumentada esta vindeira semana, xa que a previsión é que dous novos médicos inicien tamén o seu período de vacacións.
Dende o Concello xa presentaron a súa queixa ó Sergas, pedindo unha solución urxente a este problema, co fin de garantir a calidade asistencial que se presta a cotío ós veciños.
