RIANXO> A Conserveira Cortizo de Rianxo dispón xa do Selo Galicia Calidade que certifica tódolos produtos elaborados pola compañía. A xerente deste organismo público facía entrega do distintivo ós responsables do grupo empresarial nun acto celebrado esta mañá nas instalacións da firma.
A aposta pola innovación e mellora permanente do grupo Cortizo fíxolles merecedores do selo de Galicia Calidade. A firma rianxeira dispón xa deste distintivo que outorga as máximas garantías ós produtos e servizos das empresas que o ostentan.
A xerente de Galicia Calidade facía oficial este recoñecemento coa entrega do distintivo nun acto celebrado na nave emprazada no polígono de Té.
Coa incorporación de Cortizo, son xa preto de 170 empresas as que se engloban baixo o selo Galicia Calidade que recoñece non só o sector agroalimentario senón tamén o industrial e turístico, entre outros.
