RIBEIRA> A Policía Nacional detivo en Ribeira a dúas persoas por un presunto delito de tráfico de drogas. Os axentes sorprenderon in fraganti a dous homes que estaban a realizar unha venda a un consumidor no interior dun vehículo.
Cando foron abordados tentaron darse á fuga pero foron interceptados pola policía que procedeu a rexistrar o automóbil incautándose de 120 bolsas de heroína e cocaína preparadas para a súa venda así como diñeiro en efectivo en billetes de diverso valor.
Tras practicar as correspondentes dilixencias policiais, os dous detidos foron postos a disposición do Xulgado de Instrución Número 3 de Ribeira que se atopaba de garda.
