BARBANZA> O Partido Popular volve demandar a aplicación da baixada do IVE ós produtos da pesca. O senador Manuel Ruíz insta ademais ó Ministerio de Pesca e Agricultura a aprobar un PERTE para as empresas da cadea mar-industria.
O voceiro de Pesca do Grupo Parlamentario Popular no Senado, Manuel Ruíz, acusa ó Ministerio de Agricultura e Pesca de discriminar ó sector pesqueiro posto que tan só están a aplicar a baixada do IVE a algúns alimentos, excluíndo ó peixe, marisco e conserva. Ante a alarmante baixada do seu consumo esixen ó goberno central que estenda a rebaixa ós produtos do mar para axudar a un sector que está a atravesar serias dificultades.
Outra das medidas que veñen de demandar os populares no Senado é a aprobación dun PERTE para a cadea mar industria da que dependen numerosas empresas en Galicia.
Instan ademais ó executivo central a defender os intereses do sector pesqueiro na negociación dos TAC poñendo en dúbida o seu papel negociador e piden que se recorra ante o Tribunal Europeo o regulamento de control da pesca.
