A POBRA> O BNG da Pobra está a desenvolver unha campaña informativa sobre a planta de celulosa de Altri en Palas de Rei. os cidadáns dispoñen de prazo ata o 17 de abril para presentar alegacións ó proxecto.
O BNG da Pobra saíu esta mañá á rúa, coincidindo coa celebración do mercado ambulante, para informar á veciñanza sobre a presentación de alegacións ó proxecto para instalar unha planta de celulosa en Palas de Rei.
Os nacionalistas explican que a comarca do Barbanza está directamente afectada posto que o abastecemento da auga depende da captación do río Ulla que abastece á bisbarra.
Os interesados en presentar alegacións poden presentala no rexistro do concello ata o 17 de abril.
