PONTEVEDRA> Unha delegación da Comisión Europea visitou estes días a cidade de Pontevedra para coñecer as claves que fixeron posible a súa transformación urbana. Trátase dun proxecto centrado na seguridade viaria, no que están a participar 19 países. A intención é buscar exemplos de modelos que se poidan extrapolar a outros territorios.
O modelo de Pontevedra é o futuro da seguridade viaria urbana. Non o din dende o concello. Dío o director da Axencia Europea de Seguridade Viaria.
Avenoso visitou estes días a cidade acompañado por membros do proxecto centrado na seguridade viaria que está a xestionar a Comisión Europea. O obxectivo: comprender os elementos que fixeron posible a transformación urbana pontevedresa.
Actualmente, o proxecto conta con 19 países involucrados. A idea é que os seus representantes poidan visitar a cidade pontevedresa para coñecer o modelo sobre o terreo.
Cabe recordar que no ano 2020 Pontevedra foi galardoada co Primeiro Premio de Seguridade Viaria Urbana da Unión Europea.
