RIBADUMIA> Virtudes, a repunante, será a pregoeira da Festa do Tinto de Ribadumia. A programación festeria prolongarase do 30 de maio ao dous de xuño, como sempre, con grandes orquestras convidadas á cita. O evento celebra este ano o seu 51 aniversario. Todo un fito, di o alcalde, grazas á implicación dos adegueiros e de toda a veciñanza xeración tras xeración.
Ela vai se-la pregoeira da Festa do Tinto do Salnés e exaltación das variedades autóctonas de Ribadumia, que se vai celebrar do 30 de maio ao 2 de xuño.
Virtudes confésase como unha gran amante do viño de Barrantes e tamén do bo comer.
E para comer non vai ter problema. Esta ano unha das grandes novidades. Na xornada do sábado, o día da comida oficial, vaise unificar todo nun único punto de venda.
A cita acada esta ano a súa 51 edición, consolidada como un dos grandes eventos do municipio. Nos catro días de festa, máis alá do viño e a comida, tampouco faltará a troula. Como sempre, da man das mellores orquestras do país.
Tamén, como sempre, no transcurso da Festa coñeceremos os mellores viños, nas catas finais. O mestre de cerimonias será Pedro da Devesa que, con moito humor, confía en que nesa xornada todos teñamos a axenda despexada de certos eventos deportivos para poder vir a Ribadumia.
O Concello xa está traballando ademais no plan de seguridade para eses días, así como no dispositivo que se vai montar no punto morado para garantir que todo saia segundo o previsto.
