BOIRO> O PP de Boiro critica o incremento das tarifas dos campamentos do verán. Entenden os populares que se trata dun servizo de conciliación para axudar as familias que deberían ter prezos públicos máis axustados.
O PP de Boiro denuncia que as taxas de inscrición nos campamentos de verán incrementáronse nun 50 por cento. Lonxe de axudar á conciliación entenden que esta suba impedirá que moitas familias poidan acceder ó servizo.
Os populares critican que o goberno opte por incrementar as taxas municipais en lugar de rebaixar os salarios dos membros do executivo. O aforro, din, permitiría financiar este e outros servizos públicos moi necesarios.
