BOIRO> O Pazo de Goiáns acollerá o próximo mércores o II Campionato Barista de Colexios de Educación Especial. Participarán conco centros educativos na especialidade de servizos de restauración.
Tralo éxito da primeira edición, Boiro volverá acoller o Campionato Barista de Colexios de Educación Especial. Será este mércores día 15 no Pazo de Goiáns e contará coa participación do cinco colexios de educación especial, entre eles o Manuel López Navalón, de Santiago, que organiza o certame.
Trátase dun campionato práctico na especialidade de servizos de restauración. As probas consistirán na elaboración de varios tipos de café por parellas.
Ademais da competición haberá obradoiros de galletas e coctelería sen alcol para os alumnos dos centros participantes.
O evento retransmitirase por streaming a través das canles de Baristas de Foz e Cafés Templo.
