Esta fin de semana arranca o XV Torneo de Fútbol Base-Abanqueiro SD

BOIRO> Organizado pola Escola de Fútbol Municipal en colaboración co Concello chega unha nova edición, e xa van quince, do Torneo de Fútbol Base-Abanqueiro SD.

A cita, xa consolidada como un dos torneos de maior prestixio dos que se celebran na zona, desenvolverase nas dúas vindeiras fins de semana.

Os días 8, 9, 15 e 16 de xuño no Campo Municipal de Vista Alegre.

A primeira fin de semana para categorías biberón e prebenxamín e a segunda para benxamín e alevín.

Serán en total 120 equipos pertencentes a uns sesenta clubs de toda Galicia, incluíndo as mellores canteiras das catro provincias.

Dende o Concello destacaron a importancia deste tipo de torneos.

Dende a organización quixeron agradecer a colaboración do Concello, así como das distintas empresas e casas comerciais que coa súa axuda fan posible este torneo.