Trasladan ó hospital a unha muller que caeu do seu piso cando limpaba os cristais

RIBEIRA> Ferida grave unha muller en Ribeira despois de caer dende a fiestra da súa vivenda, dunha altura duns dez metros.

O suceso producíase a última hora da tarde de onte na avenida da Coruña.

Ó parecer a vítima atopábase limpando os cristais dunha das fiestras do seu piso, no segundo andar.

Por razóns que se descoñecen, precipitouse ó chan.

Tiña feridas en varias partes do seu corpo e tamén na cabeza, aínda que se atopaba consciente.

Foi trasladada nunha ambulancia do 061 ó hospital da Barbanza, onde continúa ingresada con prognóstico reservado.