RIANXO> Continuando a liña de traballo iniciada dende a súa chegada a alcaldía, o executivo rianxeiro segue a dar pasos importantes en materia de Servizos Sociais coa posta en marcha de programas de apoio ás familias do municipio.
Ó servizo de Madrugadores, coa matrícula aberta, súmase agora tamén un servizo gratuíto de préstamo de axudas técnicas para familias con persoas dependentes no que se investiron uns oito mil euros.
Segundo explicou o propio alcalde o que se busca con este servizo é mellorar o día a día das persoas doentes, así como tamén o das persoas coidadoras.
O catálogo de produtos irase incrementando pouco a pouco, atendendo ás propias necesidades das familias.
