BARBANZA> A Deputación da Coruña vén de recibir unha subvención de máis dun millón de euros para poñer en marcha o programa PEL Activa. Permitirá formar a máis de 200 persoas para empregos con alta demanda no rural.
A Subvención de 1’2 millóns de euros procedente do Fondo Social Europeo permitirá á Deputación da Coruña poñer en macha un ambicioso programa formativo destinado a mellorar a empregabiilidade na Coruña. Así, reforzase o PEL cun programa de acompañamento destinado a 18 municipios.
O 75 por cento dos 228 beneficiarios serán mulleres que poderán formarse a través de sete itinerarios: atención sociosanitaria a domicilio, atención á dependencia en institucións sociais, montaxe e mantemento de instalacións solares fotovoltaicas, xestión administrativa, guía de montaña, agricultura de precisión e montaxe e postprodución audiovisual. Trátase de áreas, todas elas, con alta demanda de emprego especialmente no medio rural.
A oferta formativa dirixirase a colectivos con máis dificultades para acceder ó mercado laboral: desempregados de longa duración, maiores de 45 anos, persoas con discapacidade e nacionais de terceiros países ou de orixe estranxeira. Os cursos impartiranse en diferentes localidades da provincia, principalmente municipios do ámbito rural e de reto demográfico, co fin de facilitar o acceso a esta formación especializada.
