NOIA> A vindeira fin de semana, Noia converterase na capital do fútbol sala. entre o 27 e o 28 de setembro acollerá a VII edición do Trofeo Portus Apostoli. Ademais do equipo local, participarán o Palma Futsal e o Anderlecht de Bélxica.
A elite do fútbol sala darase cita a última fin de semana de setembro en Noia para participar no VII Trofeo Portus Apostoli.
Coa presenza do equipo belga, a competición adquire cariz internacional o que supón un atractivo engadido para os afeccionados que, de seguro, encherán o pavillón Agustín Mourís, durante toda a fin de semana.
A impresionante traxectoria dos equipos participantes garante espectáculo e fútbol de primeira nos tres encontros deste torneo triangular, un dos mellores da pretemporada en toda España.
