NOIA> O conservatorio profesional de música Felipe Paz de Carbajal cumpre este ano o seu 33 aniversario e como vén realizando nos últimos anos aproveitou este arranque de curso para presentar o que será o calendario de concertos que se levarán a cabo ó longo do ano, dende outubro a xuño.
A programación incluirá actuacións abertas no coliseo Noela tódolos meses a partir deste xoves 24.
Nestes concertos os alumnos poderán demostrar enriba do escenario todo o aprendido nas clases.
Dende o Concello destacaron tamén a implicación do profesorado como tamén dos propios alumnos do centro.
