VILANOVA> Desde a súa posta en marcha hai apenas dúas semanas, o novo Polo de Em prendemento de Vilanova xa está acompañando 40 proxectos. Trátase dun servizo que presta de xeito gratuíto apoio e asesoramento a calquera persoa que desexe emprender un negocio ou consolidar o que xa ten en funcionamento. Co de Vilanova, a rede conta xa en toda Galicia con 15 oficinas deste tipo.
O polo de emprendemento de Vilanova, con sede no pazo de Vista Real, é o número 15 da rede deseñada pola Xunta, o terceiro da provincia de Pontevedra. Aquí, calquera persoa que queira emprender un negociou ou consolidar o seu proxecto pode recibir de balde apoio e asesoramento.
Os seus responsables salientan ese carácter integral do asesoramento, servindo de acompañamento ao longo de todo o proceso.
Subliñan tamén que neste espazo son ben recibidos tanto emprendedores que queren desenvolver unha idea como aqueles que queren seguir desenvolvendo un proxecto xa en marcha.
Dende a súa inauguración, hai apenas dúas semanas, neste polo de emprendemento de Vilanova xa se está acompañando a 40 proxectos.
Porque o campo de actuación deste polo non se limita só a Vilanova. Ata aquí poden acudir persoas das comarcas do Salnés, O Barbanza, Caldas ou Pontevedra.
E lembran que calquera persoa pode acudir aquí solicitando apoio.
A rede de polos de emprendemento impulsadas pola Consellería de Emprego, Comercio e Emigración botou a andar a mediados do 2022. Nestes momentos conta xa con 15 oficinas activas, onde xa se prestou asesoramento a máis de 2.800 proxectos empresariais en diferentes fases e realizou máis de 7.500 titorías.
