SANXENXO> Moita expectación hoxe en Sanxenxo pola apertura do novo Gadis. O centro inaugurouse esta mañá cun ir e vir de curiosos e clientes, desexosos por coñecer estas novas instalacións. Están situadas no Vinquiño. Trátase dun espazo de case 2.000 metros cadrados. Ademais, dispón dun aparcardoiro de máis de 160 prazas, de balde para a clientela.
Dende a compañía poñen en valor a comodidade destas novas instalacións, así como a súa ampla oferta con máis de 10.000 produtos diferentes.
Ademais todas as persoas que fagan as súas compras alí poderán participar nun sorteo dun teléfono, unha aspiradora ou unha videoconsola. Trátase dunha promoción de apertura na que poderá participar a clientela que faga as súas compras ata o vindeiro 11 de decembro.
Este novo Gadis ten un horario continuo de 9 da mañá a 9 e media da noite de luns a sábado. O seu equipo está formado pr 39 profesionais.
