OUTES> O xoves día 5 dará comezo o Nadal en Outes co acendido do alumeado na praza de Galicia. Dará o pistoletazo de saída a un amplo programa de actividades que busca o disfrute dos veciños e a atracción de visitantes para dinamizar a economía local.
Todo listo en Outes para dar a benvida ó Nadal cunha festa que terá lugar na praza de Galicia o próximo 5 de decembro. Procederase ó acendido das luces e á inauguración dunha decoración diferente e sostible, elaborada en colaboración co tecido asociativo, e que incorpora novos elementos adquiridos polo concello.
Outra das citas destacadas será a feira de Nadal que se porá en marcha este ano por primeira vez.
O resto da programación componse de obradoiros, concertos e espectáculos para tódolos coa recepción dos Reis e a cabalgata como peche. Xa se poden consultar os días e horarios na web municipal.
Como actividades complementarias o concello volve convocar o concurso de decoración, tanto para vivendas como establecementos comerciais, e recupera o certame de postais para os escolares. En ámbolos dous, haberá premios en vales de compra para as distintas categorías.
