RIANXO> Tralo fiasco da campaña da vieira en Rianxo, as previsións para o marisqueo este Nadal van na mesma dirección. apenas hai recurso en ningunha das pescarías polo que as previsións son moi pesimistas.
Tras meses encadeando perdas por mor da escaseza do marisco son moitas as confrarías que agardan á campaña de Nadal para xerar ingresos que lles permitan ir mantendo a actividade. En Rianxo, xa auguran que non será así por mor da falta de recurso e a entrada de marisco foráneo.
Non é un escenario novo senón que ano tras ano os mariscadores comproban como se acentúa a perda de produtividade. Reclaman polo tanto un plan integral de rexeneración da ría baseado nun estudo completo que permita determinar as causas desta situación que fai insostible a actividade marisqueira.
