BOIRO> A Comisión Mar-Industria da Confederación de Empresarios de Galicia mantivo un encontro esta mañá co Conselleiro do Mar no Centro Tecnolóxico de Jealsa en Boiro. Analizáronse importantes cuestións para o futuro do sector como a legalización das construcións situadas na franxa costeira ou o descenso de consumo dos produtos do mar.
Foron moitos os temas abordados nunha frutífera reunión celebrada esta mañá nas instalacións de Jealsa en Boiro. A Comisión Mar – Industria da Confederación de Empresarios de Galicia trasladoulle ó Conselleiro do Mar as numerosas inquedanzas do sector de cara a un mellor desenvolvemento futuro da súa actividade.
Entre elas, a falla de relevo xeracional, o descenso de consumo de produtos do mar, a redución da produtividade das rías ou a necesidade de legalizar as construción asentadas nos cen metros de servidume costeira.
Neste sentido, o traspaso da xestión do litoral ó goberno galego resulta vital para o futuro das empresas pendentes de prorrogar as concesións para continuar coa actividade nun sector estratéxico para a economía galega.
