MADRID> A Ría da Estrela presentou en Fitur as novidades da súa oferta turística baseada este ano no seu primeiro catálogo de peregrinacións marítimas a través da ría de Muros e Noia. Aproveitou a súa presenza na feira para presentar tamén o primeiro itinerario cultural e paisaxístico circular, tomando coma referencia dúas rutas xacobeas, o Camiño de Fisterra-Muxía e o Camiño da Ría de Muros-Noia.
A Ría da Estrela escolleu Fitur, a feira internacional de turismo más importante por volume de participantes e asistentes, para presentar as principais novidades da súa oferta turística para este 2025. O alcalde de Noia, Santiago Freire, que vén de asumir cargo de presidente da entidade en substitución da alcaldesa de Lousame, Teresa Villaverde, foi o encargado de presentar o xeodestino, vinculado ó Camiño de Santiago. A primeira das propostas, o primeiro primeiro catálogo de peregrinacións marítimas a través da Ría de Muros Noia, que ofrece a posibilidade de facer a ruta navegando de tres formas distintas
Pero a entidade aproveitou tamén a súa presenza en Fitur para dar a coñecer a ‘Volta de Gloria’, o primeiro itinerario cultural e paisaxístico circular baseado en dúas Rutas Xacobeas, como son o Camiño de Fisterra-Muxía e o Camiño da Ría de Muros.
Propostas todas elas que buscan consolidar á Ría da Estrela coma un destino turístico singular e apetecible.
