O Encontro Arqueolóxico do Barbanza celebrará a súa maioría de idade no Pazo de Goiáns

BOIRO> O Encontro Arqueolóxico do Barbanza acada este ano a súa maioría de idade. As xornadas terán lugar en febreiro no Pazo de Goiáns e contarán con poñentes de gran sona a nivel internacional.

O Pazo de Goiáns acollerá por primeira vez o Encontro arqueolóxico do Barbanza que celebrará os días 22 e 23 de febreiro a súa decimo oitava edición. Os resultados dos estudos e escavacións que se están a acometer no Barbanza e noutras zonas da península, con especial protagonismo da arte rupestre, centrarán boa parte das xornadas.

Preto de 20 investigadores tomarán parte nas 11 conferencias que compoñen o programa que se desenvolverá durante toda a xornada do sábado e o domingo en horario de mañá.

A programación completarase durante a primeira fin de semana de marzo coas visitas á fortaleza do castro de Vigo, e o xacemento de Montes Claros na Laracha. Os interesados en asistir xa se poden inscribirse na web www.centroarqueoloxicodobarbanza.org ou no teléfono 647 922 210 ata o 14 de febreiro.