RIBEIRA> Xa entraron en vigor os cambios circulatorios na contorna da praza do Centenario e o auditorio de Ribeira para mellorar a fluidez do tráfico no casco urbano. A rúa Mariño de Rivera pasa a ser de dobre dirección mentres que as rúas da Feira, Pedro Arias e Barbanza cambian de sentido.
Os condutores que estes días circulan pola contorna das casas baratas e a praza do Centenario, en pleno centro de Ribeira, poden comprobar xa os cambios circulatorios que se veñen de implantar co obxectivo de gañar fluidez no tráfico e incrementar os espazos para o estacionamento.
As principais modificacións residen na rúa Mariño de Rivera que pasa a ser de dobre dirección, para facilitar oi acceso ós xulgados e á sede da policía local. Ademais trala apertura do novo treito da rúa Barbanza que discorre en paralelo ó auditorio, tanto esta vía como a Rúa da Feira e Pedro Arias modifican o seu sentido de circulación.
