RIBEIRA> A asociación AMICOS vén de poñer en marcha un proxecto para a conservación de corais. As voluntarias instalaron na lonxa de Ribeira un hospital para as colonias desta especie. O obxectivo final é a reinserción no mar tras un complexo proceso de recuperación.
A entrada da lonxa de Ribeira converteuse nestes días nun hospital de corais. Alí, as voluntarias que participan no programa DUAL NATURA de AMICOS recollen os corais que os mariñeiros traen nas redes para a súa recuperación.
O proceso é complexo e leva o seu tempo pero o mimo e coidado que poñen as voluntarias conclúe coa recuperación das gorgonias que acaban volvendo ó mar.
Calquera persoa que queira colaborar tan só ten que achegarse ata a lonxa de Ribeira e depositar os corais recollidos.
O proxecto complétase cunha exposición de arte reciclada elaborada por usuarios de AMICOS a través de lixo mariño.
