RIBEIRA> O BNG reclama a clausura definitiva do depósito de áridos nas inmediacións da Illa de Sálvora. Entenden que reactivar o punto de vertido nunha zona tan sensible pode ter efectos adversos tanto a nivel medioambiental como de produtividade da ría.
A posible reactivación do punto de vertido nas inmediacións de Sálvora xerou unha grande preocupación no seo de BNG que rexeita por completo o depósito de áridos procedentes das dragaxes dos portos nesta zona de gran valor medioambiental.
Xa no ano 2019, o Parlamento Galego rexeito por unanimidade este emprazamento para o depósito dos lodos, posto que non existen informes de impacto ambiental nin estudos posteriores sobre os efectos da presenza destes materiais na ría.
Ademais do rexeitamento unánime do pleno da cámara galega, o depósito tamén xerou dende sempre a oposición do sector do mar ante as posibles consecuencias sobre a produtividade da ría.
Dende o BNG levarán iniciativas tanto ó Parlamento Galego como ó Congreso solicitando a realización dos estudos pertinentes e a busca de puntos de vertido alternativos.
