RIBEIRA> Ribeira acollerá o sábado 29 de marzo a segunda edición da andaina ‘Un Raio de Luz’, a favor da enfermidade de Dent.
A actividade está organizada polo colexio Galaxia, coa colaboración da ANPA do propio centro e o Concello.
A proba contará cun percorrido moi sinxelo duns 6 km, con saída dende a Praza de España.
As inscricións, cun custe de 5 euros para adultos e 3 para nenos, xa están abertas podéndose realizar en deporticket ou no propio colexio Galaxia.
Dende a organización fan unha chamada a participar na proba ou ben axudar á asociación, a través das distintas formulas que hai.
O día da andaina, a escola de música POPs de Ribeira, será a encargada de amenizar a xornada con diversas actuacións.
