RIBEIRA> A Asociación de Empresarios de Ribeira fixo entrega esta mañá dos premios da campaña comercial desenvolvida polo Día da Nai. A máis afortunada foi Yolanda Paz, gañadora do cheque de mil euros.
Así de agradecida recollía esta mañá o seu premio Yolanda Paz, gañadora dos mil euros sorteados pola Asociación de Empresarios de Ribeira na campaña do Día da Nai.
Non foi ela a única afortunada posto que tamén se sorteou unha cea para dúas persoas no restaurante Sisal e dúas cestas da compra en Gadis. Dende a patronal destacaron a importancia de seguir a promover estas campañas para fidelizar clientes.
Tamén dende o concello agradeceron o esforzo da asociación por seguir dinamizando o tecido comercial do municipio. Neste sentido, o tenente alcalde ofreceu a súa máxima colaboración para que Ribeira siga medrando.
