NOIA> O tardeo está de moda, e en Noia, tomando coma exemplo iniciativas que están a funcionar noutras localidades galegas, non vai ser menos.
A iniciativa partiu de catro locais hostaleiros do casco histórico: TBO, La Parra, Gasset e a Adega do Pazo, que coa colaboración da concellería de Comercio, promoven a primeira ‘Ruta Dominguera’.
Arrancará xa este vindeiro domingo con actuacións en directo e sorteos de agasallos. A idea é que se realice cada dous domingos e se prolongue ó longo de todo o verán.
Os negocios promotores desta primeira Ruta Dominguera, contan ademais coa colaboración da adega Paco y Loca, vermú Povarelo e Torre de Núñez.
