NOIA> Noia volverá poñer en valor a súa gran tradición musical na segunda edición do Programa ‘Noia En-cántame’. Diversas agrupacións e coros actuarán este sábado na igrexa Santa María a Nova con peche no Coliseo Noela a cargo do grupo A Misela e a agrupación coral ‘Canta por Noia’.
A segunda edición do programa ‘Noia En-cántame’ terá lugar este sábado día 31 cun nutrido cartel de agrupacións musicais e corais da vila que conta cunha gran tradición de canto.
Dará comezo ás doce e media da mañá na igrexa Santa María A Nova coa Coral feminina do Barbanza e o grupo Habanoia. Xa pola tarde, tocaralle a quenda ó coro xuvenil Aires do Atlántico e o grupo vocal e instrumental Atlántico que dará paso ó concerto de peche no Coliseo Noela.
A intención da concellería de Cultura e seguir a impulsar este festival, nacido o pasado ano, para poder optar ás subvencións da Deputación da Coruña e ampliar a súa duración a dúas xornadas de cara á vindeira edición.
