RIBEIRA> O viveiro de empresas de Ribeira acolleu esta mañá unha xornada informativa sobre o cooperativismo. Unha ducia de alumnos do Programa Integrado de Emprego coñeceron a vantaxes desta fórmula xurídica á hora de emprender.
Alumnos do Programa Integrado de Emprego de Ribeira participaron esta mañá nunha xornada informativa sobre o cooperativismo como vía de emprendemento. Ademais de afondar nas características desta fórmula xurídica ó seu alcance, coñeceron os distintos tipos de cooperativa que non só están enfocadas ó eido laboral senón tamén ó consumo.
Ademais da sesión teórica, os participantes tiveron ocasión de achegarse á práctica a través da experiencia do socio dunha cooperativa local que presta servizo no eido sociosanitario.
O obxectivo da xornada é explorar nova fórmulas de autoemprego para que, unha vez concluído o proceso formativo, os alumnos poidan optar pola que mellor se adapta ás súas necesidades.
