BOIRO> Boiro acollerá ó longo desta semana unha campaña especial para fomentar as doazóns de sangue. O municipio sitúase á cabeza do Barbanza en número de doazóns, superando en 34 puntos a media galega.
A directora da Axencia Galega de Doazón de Órganos e de Sangue presentou esta mañá a campaña especial que se desnevolverá ó longo deste verán en toda Galicia. Esta semana recalará en Boiro, un dos municipios que rexistra mellores cifras con 73 doazóns por cada mil habitantes, superando folgadamente a media galega.
A unidade móbil da ADOS desprazarse ata Boiro dende este xoves a sábado. OS interesados en doar poden achegarse ata a a Praza de Galicia o xoves en horario de dez a dúas, o venres no mesmo horario pola mañá e de catro a nove pola tarde e o sábado de dez a tres.
O obxectivo destas campañas que se desenvolverán en diversos concellos de toda Galicia é chegar ás 27 mil doazóns que precisan os centros sanitarios para garantir as reservas de sangue, especialmente nos grupos cero positivo, A positivo e B negativo.
