VILANOVA> Xornada arredor da dixitalización do sector turístico no Polo de Emprendemento de Vilanova. Nesta acción formativa participaron algúns dos emprendedores que reciben asesoramento neste servizo que a Xunta ten no Pazo de Vista Real. Un espazo no que continúan achegándose persoas que teñen en mente a creación ou expansión dun proxecto.
Partindo dun sector fundamental para as Rías Baixas como é o turismo, a xornada que se celebrou esta mañá no Polo de Emprendemento de Vilanova permitiu aos participantes recibir formación no eido dixital. Claves, explica a responsable do obradoiro, fundamentais para o impulso dun negocio buscando darlle aos proxectos resposta a tres cuestións: visibilidade, diferenciación e rendibilidade.
Na xornada participou por videoconferecia o subdirector xeral de Emprendemento da Xunta, José Luis Maestro. Nesta acción participaron algúns dos emprendedores que están a recibir acompañamento por parte deste servizo autonómico instalado no Pazo de Vista Real. Por aquí seguen achegándose persoas que queren impulsar un proxecto ou expandir aquel que xa está en marcha. Explícannos que o papel do polo foi clave.
Héctor ten un proxecto centrado na agricultura biointensiva. Hoxe comparte mesa con Judith, emprendedora no sector da cibersiguridade.
Na mesma liña Ana, que impulsa un proxecto centrado no do mundo do benestar e o coidado persoal.
Un asesoramento integral, explican, que vai dende o máis grande aos pequenos detalles, pero esenciais para cada proxecto.
O de Vilanova é un dos 15 polos de emprendemento cos que conta a rede deseñada pola Xunta en toda Galicia.
