BOIRO> O PP de Boiro denuncia o incremento dos custos de servizos básicos para a cidadanía. Ademais da suba do IBI, que volveu ser obxecto de debate no pleno da pasada tarde, os populares aluden ó incremento dos recibos da auga e ás deficiencias da recollida de lixo no polígono de Espiñeira.
O PP de Boiro volveu levar a pleno a suba do IBI a través dunha moción solicitando a baixada do imposto ata o 0’4 por cento.
Non é a única suba impositiva denunciada polos populares que recolleron as queixas veciñais ante o incremento dos recibos da auga no último trimestre.
Tamén se fan eco da preocupación dos empresarios do polígono de Espiñeira no servizo de recollida do lixo trala retirada dos contedores de plástico e papel.
