RIBEIRA> As citas solidarias seguirán a sucederse durante todo o Nadal en Ribeira. O día 20 de decembro, o auditorio municipal acollerá o espectáculo ‘As que cortan o bacallau’ promovido por Bailadela, As Sete Linguas e a Asociación Francisco Lorenzo Mariño. A recadación irá destinada a Cruz Vermella.
O espectáculo que levarán este ano a escena Bailadela e As Sete Linguas están inspirado nas mulleres que traballaban na conserva.
Dende a concellería de Cutlura que colabora na organización do evento destacaron o espírito solidario do tecido asociativo do municipio con este tipo de actividades en beneficio dos máis vulnerables. O prezo da entrada é de 5 euros que se destinarán integramente á Cruz Vermella para a compra de xoguetes.
As entradas xa se poden adquirir na sede da Cruz Vermella. Os menores de 16 anos entrarán de balde pero habilitarase fila 0 para quen desexe colaborar.
