A POBRA> A poesía volverá estar moi presente na Pobra que volverá conmemorar o Día Mundial deste xénero literario. Será cun recital poético e posterior sesión de micro aberto que se celebrará este venres no auditorio da biblioteca municipal.
Por terceiro ano consecutivo, o concello da Pobra volverá conmemorar o Día da Poesía. Será este venres 20 cun recital no que intervirán catro poetas e a actuación da soprano Esperanza Mara.
A xornada rematará cunha sesión de micro aberto para que o público asistente poida subir a recitar uns versos.
Dende a concellería de Cultura agardan repetir o éxito de público das dúas edicións anteriores nas que o auditorio quedou pequeno para acoller ó gran número de asistentes, con especial presenza da mocidade.
