RIBEIRA> Avanza a bo ritmo un dos principais proxectos en materia sanitaria para o Barbanza. A licitación da redacción da Unidade Oncolóxica no hospital comarcal permitirá poñer en marcha este servizo ó longo do próximo ano. Os pacientes con doenzas oncolóxicas ou hematolóxicas, poderán recibir tratamentos e realizar probas sen ter que desprazarse ata Santiago.
A Consellería de Sanidade adxudicará ó longo deste mes de marzo a redacción do proxecto do hospital de día oncolóxico no Barbanza. Trátase dun paso adiante na tramitación deste novo servizo que entrará en funcionamento en 2027.
A nova unidade atenderá a unha media de 600 pacientes hematolóxicos e oncolóxicos que poderán recibir tratamento no Barbanza sen necesidade de trasladarse ata Santiago, como acontece na actualidade.
