BARBANZA> Cunha visita ás obras do futuro Museo da Conserva en Cabo de Cruz, os alcaldes dos catro concellos que integran Barbanza Arousa, acompañados da xerente da entidade, quixeron comprobar o estado de execución dos catro proxectos incluídos no seu Plan de Sostenibilidade Turística en Destino para o que contan cun orzamento de 1’5 millóns de euros procedentes de fondos europeos.
Ademais da actuación en Cabo de Cruz, no dito plan incluiranse outros proxectos como é o caso da rehabilitación e renovación integral das instalacións do Museo do Mar en Rianxo; o Museo da Salgadura en Ribeira ou a posta en valor do barrio dos Cataláns na Pobra.
Pero a proposta para o desenvolvemento turístico da comarca irá máis alá coa creación dun Club de Produto Enogastronómico no que estarán chamadas a participar tanto as empresas do sector turístico, como conserveiras ou adegas.
Tódolos proxectos deberán estar rematados antes do 30 de xuño.
