RIBEIRA> A delegada territorial da Xunta visitou as instalacións da academia Yara en Ribeira onde se está a impartir un curso para mellorar a empregabilidade. No Barbanza desenvolveranse un total de 13 accións formativas cun investimento dun millón de euros.
A academia de Perruquería e Estética Yara en Ribeira é un dos centros beneficiarios da liña de axudas para mellorar a formación de persoas en situación de desemprego. Na presente comnvocatoria a entidade contou cunha achega de 120 mil euros para o desenvolvemento de dous cursos e xa ten concedidos outros tres para o curso 2026-2027.
Estes cursos véñense sumar a outros 10 previstos en todo o Barbanza que suporán un investimento dun millón de euros na comarca
Ademais de favorecer a formación dos desempregado e facilitar o seu acceso ó mercado laboral, esta liña de axudas buscan tamén dar resposta ás demandas do tecido empresarial galego e fomentar o autoemprego.
O prazo de presentación de solicitudes para o vindeiro curso permanecerá aberto ata o 30 de novembro.
