RIBEIRA> Máis dun cento de persoas participou no enterro da sanidade pública desenvolvido esta mañá no hospital do Barbanza. Trátase dun acto simbólico enmarcado no peche que dende hai seis días mantén a Plataforma en Defensa da Sanidade Pública para denunciar o incremento das listas de espera.
Tras seis días de encerro e máis de dous anos esperando a ser recibidos pola xerencia da área sanitaria, a plataforma pola Defensa de Sanidade Pública do Barbanza decidiu intensificar as protestas. Este enterro simbólico congregou a máis dun cento de persoas no hospital para denunciar a morte do sistema sanitario público con listas de espera que nalgunha áreas acumulan meses ou mesmo anos de retraso.
Tan só piden ser escoitados tanto polo xerente da área sanitaria como polo director do hospital comarcal para abordar a actual situación das consultas con especialistas, especialmente no que respecta a segundas consultas e revisións. Mentres non obteñan respostas seguirán co peche no hospital agradecendo ademais o gran apoio cidadá ante esta protesta posto que, lembran, a sanidade é de todos.
