NOIA> 400 patinadores de máis de 30 clubs de toda Galicia daranse cita esta fin de semana en Noia. O pavillón Agustín Mourís acollerá o sábado e o domingo o cuarto Trofeo Portus Apostoli de Patinaxe na modalidade de Grupos Show.
Este sábado pola mañá darán comezo os adestramentos do Trofeo de Patinaxe Portus Apostoli que se celebrará durante toda a fin de semana en Noia.
Durante as dúas xornadas pasarán polo pavillón Agustín Mourís máis de 400 patinadores chegados de toda Galicia e mesmo de Portugal posto que está confirmada a participación dun club luso. Competirán nun total de sete categorías, todas elas na modalidade de grupos show.
En canto á representación local, o Club Noia Patín competirá con 3 grupos, 2 de iniciación, e 1 deles no grupo nacional que vén de gaÑar o primeiro premio na Copa de España.
A próxima cita do equipo será o 31 de maio en Italia onde se disputará a Copa do Mundo.
