VILAGARCIA> Vilagarcía sacará adiante os seus orzamentos para este 2026 grazas a un acordo entre o goberno local e o BNG. As contas ascenden a 41,6 millóns de euros, máis dun 5% máis que o ano pasado. Inclúen un préstamo de 4 millóns de euros. No capítulo de investimentos salienta unha partida de 1,2 millóns de euros para a compra dunha parcela para a construción dunha residencia e centro de día. O alcalde fala dos presupostos máis ambiciosos da historia da cidade.
Vilagarcía aprobará os seus orzamentos para este 2026 no pleno deste mes de maio. As contas ascenden a 41,6 millóns de euros, máis dun 5% máis que o ano pasado. Un acordo entre o goberno local e o BNG permitirá sacalas adiante.
Varela fala dunhas contas ambiciosas e expansivas.
Para chegar a estes 41,6 millóns de euros, o concello contempla un aumento das transferencias do Estado acadando os 12 millóns; mentres que da Xunta van transferir ao concello algo menos de 3 millóns, cantidade que -lamenta o alcalde- non medra tanto como lles gustaría. Ademais, as contas inclúen un préstamo de 4 millóns de euros, sen que iso implique deixar máis débeda da que había.
Segundo as previsións de Ravella a débeda quedará a finais do mandato en 12 millóns de euros, coa diferenza -di Varela- de todos os investimentos realizados estes anos. Para este 2026, no capítulo de investimentos, que ascende a 4 millóns de euros, salienta unha partida de 1,2 millóns para a compra dunha parcela para unha residencia e centro de día.
Tamén se vai arranxar o novo baixo de servizos sociais, melloras en instalacións deportivas e humanizacións na rúa Pepín e as rúas Aduana e Cruz, no Carril.
Tamén pon o foco en mantementos e reparacións, incluíndo un novo plan de asfaltados. Ao mesmo tempo defende Varela o investimento no eido social, que medra un 24%, acadando os 5,6 millóns de euros.
