RIBEIRA> Pasaba das oito desta mañá, cando persoal de Portos de Galicia alertaba do suceso ós equipos de emerxencias.
O pesqueiro, ‘María Estefanía’, que se atopaba atracado no peirao, foise a pique. Polo de agora descoñécense as causas do afundimento, aínda que todo apunta a que puidera deberse á súa falla de mantemento, xa que o buque presentaba un importante estado de deterioro ó levar xa varios anos fóra de servizo.
A consecuencia do sucesos, produciuse un pequeno vertido de hidrocarburos procedentes do interior do propio barco, polo que se procedeu a despregar unha barreira anticontaminación e material absorbente para tratar de conter a mancha e evitar así un dano medioambiental maior.
